UEFA seçmə turnirlərin qaydalarına dəyişiklik edə bilər
Bakı, 12 oktyabr, AZƏRTAC
Avropa Futbol Assosiasiyaları İttifaqı (UEFA) dünya və Avropa çempionatları üçün seçim prosedurunu dəyişdirmək niyyətindədir.
AZƏRTAC xəbər verir ki, bu barədə “The Times” qəzeti məlumat yayıb.
Məlumata görə, təşkilat oyunların yayım hüquqlarının satışından əldə edilən gəlirin azalmasından narazıdır və təsnifat turnirlərinin keçirilməsi formulunu dəyişməyə hazırdır.
Konkret olaraq, Millətlər Liqasından dünya çempionatı və ya Avropa çempionatının seçmə mərhələsinin bir hissəsi kimi istifadə edilməsi təklif olunur. İşçi qrup, həmçinin vahid liqa cədvəli ilə İsveçrə modelinin tətbiqini müzakirə edir. Ötən mövsümdən Avropa yarışlarında bu formatdan istifadə olunur.
Bölmənin digər xəbərləri
