Ukrayna bəzi ölkələrə təyyarə reyslərini bərpa edib
Kiyev, 15 iyun, AZƏRTAC
Bu gündən Ukraynada beynəlxalq təyyarə uçuşları bərpa edilib.
AZƏRTAC xəbər verir ki, Nazirlər Kabinetinin qərarına əsasən, iyunun 15-dən Albaniya, ABŞ, Türkiyə və Böyük Britaniyaya uçuşlar həyata keçiriləcək.
Albaniya və ABŞ-a uçuş zamanı koronavirusa qarşı hər hansı testin keçirilməsi tələb olunmayacaq, Böyük Britaniyaya uçuş zamanı 14 gün karantin elan ediləcək, Türkiyə ərazisinə isə testin cavabı ilə daxil olmaq mümkündür.
Epidemioloji vəziyyət stabilləşərsə, iyulun 1-dən Kipr, Monteneqro, Gürcüstan və Yunanıstana təyyarə uçuşları həyata keçiriləcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
