UKRAYNA DİPLOMATI BEYNƏLXALQ TƏŞKİLATLARI REGİONAL MÜNAQİŞƏLƏRİN HƏLLİ ÜÇÜN QƏTİYYƏTLİ ADDIMLAR ATMAĞA ÇAĞIRMIŞDIR
İclasda Ukrayna Prezidenti administrasiyasının xarici siyasət məsələləri baş idarəsi rəhbərinin müavini Viktor Krijanovski bildirmişdir ki, ötən il GUÖAM-a BMT Baş Məclisində müşahidəçi statusu verilməsi GUÖAM ilə BMT arasında qarşılıqlı surətlə faydalı əməkdaşlığın inkişafında mühüm addım olmuşdur. O demişdir ki, beş dövləti birləşdirən bu təşkilat BMT baş katibinin regional təşkilatların nümayəndələri ilə gələn ilin yayında keçiriləcək görüşünə xüsusi əhəmiyyət verir.
Ukrayna nümayəndəsi çıxışında keçmiş sovet məkanında “dondurulmuş münaqişələr”də irəliləyişin olmamasından narahatlığını da bildirmişdir. O qeyd etmişdir ki, bu münaqişələr milyonlarla insanın müsibətinə səbəb olur və bütün regionda vəziyyətin sabitliyinə təhlükə törədir.
Diplomat müvafiq beynəlxalq təşkilatları, o cümlədən BMT və ATƏT-i Abxaziyada və Cənubi Osetiyada, Dağlıq Qarabağda və Dnestryanı bölgədə münaqişələrin birdəfəlik həlli üçün qətiyyətli addımlar atmağa çağırmışdır.
Bölmənin digər xəbərləri
