UKRAYNADA BÖYÜK VƏTƏN MÜHARİBƏSİ İŞTİRAKÇILARININ HAMISINA ZABİT RÜTBƏLƏRİ VERİLİR

22.10.2004 [19:30]
Çap et
A⁺ A^-

AZƏRTAC-ın Ukrinformdan aldığı xəbərə görə, Ukrayna Prezidenti Leonid Kuçmanın göstərişlərinə əsasən, döyüş əməliyyatlarının, Böyük Vətən müharibəsi iştirakçılarının hamısına - əsgərlərə, serjant və praporşiklərə ehtiyatda olan leytenant, zabitlərə isə polkovnik və ya 1-ci dərəcəli kapitan rütbəsi veriləcəkdir. Bunu Ukraynanın müdafiə naziri Aleksandr Kuzmuk Vinnitsa vilayətinin faşist işğalçılarından azad edilməsinin 60 illiyi münasibətilə keçirilən şənliklərdə bildirmişdir.

İyulda Prezident L.Kuçma müharibə veteranları üçün Boqdan Xmelnitski və “İgidliyə görə” ordenləri, “Vətən müdafiəçisi” və “Ukraynanın faşist işğalçılarından azad edilməsinin 60 illiyi” medalları hazırlanması barədə hökumətə tapşırıq vermişdir. Dövlət başçısı 2005-ci ilin Ukraynada Veteranlar ili elan edilməsi və gələn il martın 1-dən veteranların pensiyalarının azı 20 faiz artırılması məsələsinin həll olunması haqqında sərəncam da imzalamışdır.

UKRAYNADA BÖYÜK VƏTƏN MÜHARİBƏSİ İŞTİRAKÇILARININ HAMISINA ZABİT RÜTBƏLƏRİ VERİLİR

MÜƏLLİFLƏ ƏLAQƏ

Bölmənin digər xəbərləri