Ukraynada koronavirusa yoluxma hallarında antirekord qeydə alınıb
Kiyev, 30 iyul, AZƏRTAC
Ukraynada son sutkada koronavirusa yoluxma hallarında antirekord qeydə alınıb.
AZƏRTAC Ukrayna Səhiyyə Nazirliyinə istinadla xəbər verir ki, Ukraynada son sutkada 1197 nəfər koronavirusa yoluxub, 23 nəfər isə dünyasını dəyişib.
Ən çox yoluxma Kiyev və Lvov vilayətlərində qeydə alınıb. Bununla da ölkədə koronavirusa yoluxanların sayı 68 min 794 nəfərə çatıb. Virusdan ölənlərin ümumi sayı 1673 nəfərdir, 38 min 154 xəstə sağalaraq evə buraxılıb.
Qeyd edək ki, Ukraynada koronavirusla bağlı vəziyyət pisləşdiyindən karantin müddəti avqustun 31-dək uzadılıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
