UKRAYNADAN GÜRCÜSTANA HUMANİTAR YARDIM GƏTİRİLMİŞDİR
AZƏRTAC xəbər verir ki, son iki gün ərzində Ukraynadan Gürcüstana 100 tondan artıq humanitar yük çatdırılmışdır. Ukraynanın Gürcüstandakı səfirliyinin məlumatında bildirilir ki, humanitar yükün əsas hissəsi dava-dərman və təcili yardım vasitələridir.
Səfirliyin məlumatına görə, Ukrayna Baş nazirinin müavini Qriqori Nemırya humanitar yardımın paylanmasını əlaqələndirmək üçün Tbilisiyə gəlmişdir. Ukrayna tərəfi Gürcüstanın bombardmana məruz qalmış müxtəlif rayonlarının sakinlərinin və hərbi əməliyyatlar üzündən yurd-yuvasını tərk etmiş vətəndaşların ehtiyaclarını təmin etmək üçün humanitar yardımı davam etdirəcəkdir.
Avqustun 13-də Tbilisiyə ABŞ-dan ilk humanitar yardım, o cümlədən 1 milyon dollarlıq dərman, zəruri əşyalar, çadırlar gətirilmişdir.
Bölmənin digər xəbərləri
