“ULİSS” XX ƏSRİN ƏN BAHALI KİTABIDIR
İlk dəfə 1922-ci ildə Parisdə cəmi min nüsxə tirajla çap olunmuş “Uliss”in yüz nüsxəsini Coys şəxsən imzalamışdır. 2004-cü ildə müəllifin imzası olan Paris nüsxələrindən biri Nyu-Yorkda Sothebby”s hərracında 288 min dollara (160 min funt) satılmışdır.
Ötən yüzilliyin ən bahalı kitabları cədvəlində ikinci yer Artur Konan-Doylun “Baskervillərin iti” povestinə məxsusdur. Kitab ilk dəfə 1902-ci ildə çap olunmuş, ona çox bahalı üzqabığı çəkilmişdir. Bukinistlər bu nadir kitabı 80 min funta (140 min dollar) satışa çıxarırlar.
Ekspertlər Beatriks Potterin “Ev dovşanı Piter” kitabını ötən əsrin ən bahalı uşaq kitabı adlandırmışlar: onun dəyəri 50 min funta (87500 dollar) çatır. Müqayisə üçün deyək ki, Harri Potter və fəlsəfə daşı” kitabının ilk tirajının nüsxələri 15 min funt (26 min dollardan çox) məbləğində dəyərləndirilir.
Bölmənin digər xəbərləri
