ELM VƏ TƏHSİL
UNEC-in Vyetnamdan olan məzunu 36 il sonra universitetdə olub
![](/files/galleryphoto/2023/2/1200x630/16849236886279521340_1200x630.jpg)
![](/files/galleryphoto/2023/2/1200x630/168492368830665121_1200x630.jpg)
![](/files/galleryphoto/2023/2/1200x630/16849236885905932094_1200x630.jpg)
![](/files/galleryphoto/2023/2/1200x630/16849236884551011919_1200x630.jpg)
![](/files/galleryphoto/2023/2/1200x630/1684923688155582686_1200x630.jpg)
![](/files/galleryphoto/2023/2/1200x630/16849236882265518650_1200x630.jpg)
![](/files/galleryphoto/2023/2/1200x630/16849236884583412491_1200x630.jpg)
Bakı, 24 may, AZƏRTAC
UNEC-in Vyetnamdan olan 1987-ci il məzunu xanım Nquen Txi Xan universitetdə olub.
Bu barədə AZƏRTAC-a UNEC-dən məlumat verilib. Bildirilib ki, UNEC-in rektoru professor Ədalət Muradovla görüşən xanım Nquen Txi Xan 36 ildən sonra yenidən universitetdə olmaqdan böyük sevinc hissi keçirdiyini söyləyib. Vyetnamlı məzun tələbəlik illəri haqqında xoş xatirələrini bölüşüb.
Rektor UNEC-in əcnəbi məzunundan Azərbaycanda keçirdiyi tələbəlik illəri haqqında xoş sözlər eşitməkdən qürur duyduğunu ifadə edib. UNEC-də Məzunlar Assosiasiyasının yaradıldığını və əcnəbi məzunların da həmin assosiasiyada təmsil olunacaqlarını diqqətə çatdırıb. Xanım Nquen Txi Xan Vyetnamda UNEC-in Məzunlar Assosiasiyasının yaradılmasına dəstək olacağını qeyd edib.
Görüş zamanı Nquen Txi Xana UNEC-in arxivində saxlanılan qiymət vərəqəsi, fotosu və digər təhsil sənədləri təqdim edilib. Vyetnamlı məzun vaxtilə təhsil aldığı Maliyyə və mühasibatlıq fakültəsinə və tələbəlik illərində yaşadığı yataqxanaya da baş çəkib.