“UNİBANK” 2005-Cİ İLƏ MALİYYƏ YEKUNU VURMUŞDUR
Bankın kredit portfeli ötən il 70 faiz artaraq, 235,8 milyard manat olmuşdur.
Keçən ilin yekunlarına əsasən, bankın cəlb etdiyi depozitlər 208,7 milyard manat təşkil etmiş, həmin göstəricinin artımı isə 2005-ci il üçün 75 faiz olmuşdur.
Depozitlərin ümumi həcmində təcili olanların payına 134,6 milyard manat düşmüşdür. Həmin göstəricinin illik artımı 87 faiz təşkil etmişdir. Fiziki şəxslərin təcili depozitlərinin payına artım 81 faiz olmaqla, 117,3 milyard manat düşmüşdür.
Bankın 2005-ci ilin yekunlarına əsasən gəliri 53,3 milyard manat təşkil etmişdir ki, bu da inişillə müqayisədə 69 faiz çoxdur. Onun balans mənfəəti isə, artım inişillə müqayisədə 33 faiz olmaqla, 12,8 milyard manat təşkil etmişdir.
Səhmlərin növbəti emissiyalarının yerləşdirilməsi və səhmdarlar sırarasına Almaniya İnvestisiya Korporasiyasının (DEG) qoşulması sayəsində bankın nizamnamə kapitalı 2005-ci ildə 32 faiz artaraq, 33 milyard manata çatdırılmışdır.
İlin yekunlarına əsasən, onun müştərək kapitalı 28,2 faiz artaraq, 44,6 milyard manat təşkil etmişdir.
Məlumata əsasən “UniBank” maliyyə göstəricilərinə görə ölkəmizdə liderlik edən üç özəl kommersiya bankından biridir.
Bölmənin digər xəbərləri
