“Unibank Kommersiya Bankı” ASC-nin səhmlərinin yerləşdirilməsi üzrə hərrac keçirilib
Bakı, 4 avqust, AZƏRTAC
Avqustun 4-də Bakı Fond Birjasında (BFB) “Unibank Kommersiya Bankı” ASC-nin AZ1003002024 dövlət qeydiyyat nömrəli, 11 milyon 900 min manat həcmində adi, adlı, sənədsiz səhmlərinin abunə yazılışı üzrə yerləşdirilməsi yekunlaşıb.
BFB-dən AZƏRTAC-a bildirilib ki, abunə yazılışı zamanı anderrayterə 10 investor tərəfindən on sifariş təqdim edilib. Abunə yazılışı üzrə toplanmış sifarişlərin nominal qiymətlə ümumi məbləği və səhmlərin nominal qiymətlə yerləşdirilmiş həcmi 11 milyon 900 min manatdır.
Yerləşdirmə üzrə anderrayter “Unicapital İnvestisiya Şirkəti” ASC-dir.
Bölmənin digər xəbərləri
