Valtteri Bottas “Mercedes”in Avstraliya Qran-Prisində qalib gələcəyinə əmin deyil
Bakı, 1 mart, AZƏRTAC
“Mercedes”in pilotu Valtteri Bottas qeyd edib ki, o, Formula 1 çempionatının yeni mövsümünün ilk mərhələsində - Avstraliya Qran-Prisində komandasının qalib gələcəyinə əmin deyil.
AZƏRTAC xəbər verir ki, Bottasın sözlərinə görə, avtomobil idmanında maneələr, xüsusən də söhbət yeni boliddən gedərsə, daim mövcuddur. Sözsüz ki, bizim balansla bağlı qarşıda həll olunası bəzi problemlərimiz var. Boliddəki çox şeyləri hələ də yaxşılaşdırmaq fürsətimiz var.
“Mən komandaya inanıram, biz daha əvvəllər də bəzi traslarda bolidin imkanlarını həddindən artıq dəyərləndirdiyimiz vaxtlarda mürəkkəb vəziyyətlərə düşmüşük. Bu səbəbdən hər hansı maneəni dəf etmək mümkündür. Mən Breklidə yerləşən zavodda çalışan işçilərə inanıram və biz Avstraliya yürüşündə mümkün qədər yaxşı vəziyyətdə olacağımızı planlaşdırırıq. Bunun qələbəyə kifayət edəcəyini yalnız zaman göstərəcək. Lakin biz mümkün olan hər şeyi edəcəyik”, - deyə “RaceRans” Valtteri Bottasdan sitat gətirir.
Bölmənin digər xəbərləri
