VAQİF MUSTAFAZADƏNİN XATİRƏSİNƏ HƏSR OLUNMUŞ SƏRGİ
Azərbaycan Rəssamlar İttifaqının Vəcihə Səmədova adına sərgi salonunda tanınmış cazmen və bəstəkar Vaqif Mustafazadənin xatirəsinə həsr olunmuş “Rəng, forma, ritm” adlı sərgi açılmışdır.
Bakıda Beynəlxalq Caz Festivalının keçirildiyi günlərdə açılan sərgidə Azərbaycan rəssamlarının V.Mustafazadəyə həsr etdikləri 50-yə yaxın təsviri sənət əsəri nümayiş olunur.
Respublika Rəssamlar İttifaqı İdarə Heyətinin sədri Fərhad Xəlilov, rəssam Əkrəm Həsənzadə və başqaları sərginin açılış mərasimində çıxış edərək, ölkəmizdə caz məktəbinin yaradılmasında V.Mustafazadənin əvəzsiz xidmətindən, bənzərsiz sənətindən söz açmış, nümayiş olunan əsərlərin özünəməxsus məna çalarlarından danışmışlar.
Bölmənin digər xəbərləri
