VENESUELA NEFTİN YÜKSƏK QİYMƏTİNİN SAXLANILMASINA TƏRƏFDARDIR
Neft İxrac Edən Ölkələr Təşkilatının (OPEK) dekabrda nazirlər səviyyəsində keçiriləcək görüşündə Venesuela neftin yüksək qiymətinin saxlanılmasına, neftin istehsalının azaldılmasına və OPEK ölkələrinin neft ehtiyatlarına uyğun olan kvotaların müəyyənləşdirilməsinə tərəfdar çıxacaqdır. Bunu xarici jurnalistlərə Venesuelanın energetika və mədən sənayesi naziri Rafael Ramires bildirmişdir.
O demişdir ki, hazırda Venesuela hər gün 3,4 milyon barrel neft çıxarır, noyabrın əvvəlindən isə OPEK-in qərarına əsasən, hasilatı 2,81 milyon barrelə qədər azaldacaqdır. Nazir bildirmişdir ki, Venesuela neftin bir barrelinin dünyada mövcud olan qiymətinin 25-32 dollar həddində saxlanılmasında maraqlıdır.
Bölmənin digər xəbərləri
