DÜNYA
VENESUELADA HÖKUMƏT ŞURASI YARADILMIŞDIR
Venesuelanın müvəqqəti prezidenti Pedro Karmona Estanqa Milli Assambleyanın /parlament/, Ali məhkəmənin və Baş prokurorluğun buraxılması haqqında dekret imzalamışdır. Xüsusi tədbirlər paketində prezident və həmkarlar ittifaqı seçkilərini bu sənəd imzalandıqdan ən geci bir il sonra parlrament seçkilərini isə 2002-ci ilin dekabrınadək keçirmək nəzərdə tutulur.
Dekretə əsasən, ölkənin 1999-cu ildə Uqo Çavesin təşəbbüsü ilə qəbul edilmiş adi /“Venesuela Bolivar Respublikası”/ əvvəlki adı /“Venesuela Respublikası”/ ilə əvəz olunmuşdur. 2001-ci ildə qəbul olunmuş və müxalifətdə narazılıq doğurmuş 48 qanun ləğv edilmişdir. Onların arasında torpaq, karbohidrogenlər və aviasiya haqqında qanunlar var.
İTAR-TASS -ın verdiyi xəbərə görə, yeni prezident millətə müraciətində iqtisadiyyatın müxtəlif sahələrini təmsil edən 25 nəfərin daxil olduğu hökumət şurasının yaradıldığını elan etmişdir. O, venesuelalıları ölkəni ağır böhrandan çıxarmağa və iqtisadiyyatda sabitlik yaradılmasına kömək göstərməyə çağırmışdır.