VENESUELANIN SABİQ PREZİDENTİNİN TALEYİ HAMƏLUMDUR
Venesuelanın sabiq prezidenti Uqo Çavesin taleyi hələ də naməlumdur. Fransa kütləvi informasiya vasitələrinin məlumatına görə, generallar Çavesin istefa verdiyini bildirsələr də, ehtimal edilən bu addımdan 24 saat sonra Venesuelanın yeni hökuməti həmin faktı təsdiqləyən heç bir yazılı sənəd təqdim etməmişdir.
Venesuelada qüvvədə olan konstitusiyaya görə, prezident istefa verərsə, yeni seçkilərə qədər onun vəzifələrini vitse-prezident yerinə yetirməlidir. Lakin bu da baş verməmişdir və vitse-prezident Diostado Kabelyonun harada olduğu məlum deyildir.
İTAR-TASS-ın verdiyi xəbərə görə, Uqo Çavesin qızı Mariya Qabriela milli televiziya ilə bəyan etmişdir ki, onun atası “heç vaxt istefa verməmişdir və hərbçilər tərəfindən həbs olunmuşdur”. Mariya Qabriela demişdir: “Venesuelada ifrat sağçı diktatura qurulmuşdur, Çaves kabinetinin üzvlərini həbs etmək üçün onları axtarırlar”.
Bölmənin digər xəbərləri
