VƏRƏM ƏLEYHİNƏ KAMPANİYA KEÇİRİLİR
Kampaniyanın məqsədi vərəm xəstəliyi, ona yoluxma yolları, müalicəsi və ondan qorunmaq barədə əhali arasında məlumatları artırmaqdır. Bu məqsədlə buklet, təqvim, poster və kitabçalar çap edilmişdir. Həmin nəşrlər respublikanın vərəm dispanserlərində, poliklinikalarda və məktəblərdə pulsuz paylanacaqdır.
Noyabrın 3-də Elmi Tədqiqat Ağ Ciyər Xəstəlikləri İnstitutunda nəşrlərin təqdimat mərasimi keçirilmişdir. İnstitutun direktoru professor Faiq Ağayev bildirmişdir ki, son vaxtlar görülən profilaktik tədbirlər nəticəsində Azərbaycanda vərəmə yoluxan xəstələrin sayı xeyli azalmışdır. O qeyd etmişdir ki, respublikamızın bütün bölgələrindəki xəstələr dərmanlarla təmin edilmişdir.
Layihənin əlaqələndiricisi Oqtay Gözəlov Almaniya hökumətinin maliyyə dəstəyi ilə həyata keçirilən proqram çərçivəsində görülən işlərdən danışmışdır.
Bölmənin digər xəbərləri
