VƏTƏNDAŞLARA ŞƏXSİYYƏT VƏSİQƏLƏRİNİN VERİLMƏSİ PROSESİ SÜRƏTLƏNDİRİLMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, vətəndaşlara şəxsiyyət vəsiqələrinin verilməsi prosesini sürətləndirmək məqsədilə şəhər, rayon polis orqanları tərəfindən bir çox yaşayış məntəqələri üzrə tərkibində tibb işçisi, fotoqraf olan səyyar qruplar təşkil edilərək sahə inspektorları ilə birlikdə kənd və qəsəbələrə göndərilmişdir.
Xəstə, yaşlı və mərkəzdən uzaqda yaşayan minlərlə vətəndaşa şəxsiyyət vəsiqələri verilmişdir. Keçirilmiş təxirəsalınmaz tədbirlər nəticəsində bu ilin may ayının sonunadək 30 min 881 nəfərdən köhnə nümunəli sənədlər yığılaraq onlara yeni şəxsiyyət vəsiqələri verilmişdir.
