VƏTƏNDAŞLARDAN NARKOTİK MADDƏLƏR GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Gəncə Şəhər Polis İdarəsi əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş Elsevər Babayevdən 0,5 qram heroin götürülmüşdür. Narkotik vasitənin ona həmyerlisi Elmar Babayev tərəfindən satılması müəyyən edilmişdir.
Sabunçu Rayon Polis İdarəsinin 13-cü bölməsinin əməkdaşları Ramana qəsəbəsinin sakini, əvvəllər məhkum olunmuş Eldar Aşurəliyevdən 0,180 qram heroin götürmüşlər.
Faktlarla bağlı cinayət işi açılmışdır.
Şəmkir Rayon Polis Şöbəsinin əməkdaşları tərəfindən Bayramlı kəndində 0,2 hektar sahədən yabanı halda bitmiş 738 kiloqram, 1053 ədəd çətənə kolu yığılaraq məhv edilmişdir.
Bölmənin digər xəbərləri
