VƏTƏNDAŞLARDAN NARKOTİK VASİTƏ GÖTÜRÜLMÜŞDÜR
Daxili İşlər Nazirliyinin mətbuat xidmətindən AZƏRTAC-a bildirmişlər ki, həyata keçirilmiş əməliyyat tədbirləri nəticəsində Baş Narkotiklərlə Mübarizə İdarəsinin Qərb Bölgəsi üzrə Regional Şöbəsinin əməkdaşları əvvəllər məhkum olunmuş Əbülfət Məmmədovdan 50,34 qram marixuana götürmüşlər.
Sabunçu Rayon Polis İdarəsinin 12-ci bölməsinin əməkdaşları Qəhrəman Həmidovdan 0,229 qram, Teyyub İbayevdən 101,297 qram, Nizami Rayon Polis İdarəsinin və Ədliyyə Nazirliyinin Penitensiar Xidməti əməkdaşları Vüqar Hüseynovdan 0,722 qram, Xızı Rayon Polis Şöbəsinin əməkdaşları əvvəllər məhkum olunmuş Heydər Hüseynovdan 0,261 qram heroin müsadirə etmişlər.
Sabirabad Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində rayon sakini Əli Mənsimovdan 5,3 qram marixuana götürülmüşdür. Müəyyən edilmişdir ki, Ə.Mənsimov narkotik vasitəni Şıxlar kənd sakini Rafiq Rzayevdən almışdır. Polis əməkdaşları R.Rzayev də tutaraq məsuliyyətə cəlb etmişlər.
Faktlarla bağlı araşdırmalar aparılr.
Bölmənin digər xəbərləri
