VİTALİ KLİÇKO RİNQƏ QAYIDIR
AZƏRTAC xarici KİV-lərə istinadla xəbər verir ki, Ukrayna boksçusu Vitali Kliçko rinqə qayıdır. Kliçko karyerasına yenidən başlamaq haqqında qərarını tibbi müayinədən sonra qəbul etmişdir. Müayinənin yekunlarına əsasən, həkimlər onun yenidən rinqə qayıtmasına icazə vermişlər. Kliçko birinçi döyüşünü artıq bu ilin mayında keçirəcəkdir. Çox ehtimal ki, onun rəqibi, Ümumdünya Boks Şurasının versiyasına görə, dünya çempionu Oleq Maskayev olacaqdır.
Xatırladaq ki, Vitali Kliçko 2005-ci il noyabrın 9-da karyerasının başa çatdığını elan etmişdi. O vaxt çempion kəmərinə sahib olan idmançının rinqdən getməyinin səbəbi dizinin zədələnməsi olmuşdu.
Bölmənin digər xəbərləri
