Xalq-ordu birliyinin növbəti nümunəsi: hərbi hissəyə sovqat təqdim edilib
Naxçıvan, 16 iyul, AZƏRTAC
Naxçıvan Muxtar Respublikasında birləşmə və hissələrə sovqat aparılması artıq ənənəyə çevrilib. Xalq-ordu birliyini əks etdirən tədbirlərin davamı olaraq bu dəfə kənd təsərrüfatı ilə məşğul olan sahibkar Elçin Qasımov tərəfindən hərbi hissəyə sovqat təqdim edilib.
AZƏRTAC-ın Naxçıvan bürosu xəbər verir ki, əsgərlərimizlə söhbət zamanı sahibkar Elçin Qasımov onlara çətin və şərəfli xidmətlərində mətin olmağı, Vətən qarşısındakı borclarını uğurla yerinə yetirməyi arzu edib.
Hərbi hissənin zabiti Cavanşir Hüseynov bildirib ki, xalqımızın hər zaman əsgərlərlə bir yerdə olması xalqla ordu arasındakı sıx birlikdən irəli gəlir. Bu birlikdən daha da ruhlanan şəxsi heyət istənilən döyüş tapşırığını uğurla yerinə yetirməyə hazırdır.
Cavanşir Hüseynov göstərilən diqqət və qayğıya görə şəxsi heyət adından minnətdarlıq edib.
Sonra gətirilən 2,5 ton çuğundur hərbi hissəyə təhvil verilib.
Bölmənin digər xəbərləri
