XALQ ŞAİRİ BƏXTİYAR VAHABZADƏ “DÜNYADA İLİN ƏN BAŞARILI ŞAİRİ” ADINA LAYİQ GÖRÜLMÜŞDÜR
Türkiyənin Gebze şəhərində yerləşən Gənc Sənayeçi və İş Adamları Dərnəyi (GENSİAD) Azərbaycanın xalq şairi, Milli Məclisin deputatı Bəxtiyar Vahabzadəni 2001-ci ildə “Dünyada ilin ən başarılı şairi” adına layiq görmüşdür. GENSİAD-ın prezidenti Ömər Faruq Başaranın bu münasibətlə xalq şairinə göndərdiyi məktubda deyilir ki, “Bəxtiyar Vahabzadəyə bu ad dünya mədəniyyətinə və ədəbiyyatına töhfə olan və hər biri elm dəryasına açılan pəncərə sayılan nadir əsərlərinə görə verilmişdir. Könlümüzə ilham verən uğurlu yaradıcılığınızın davam etməsini diləyirik”.
2001-ci ilin ən başarılı şair-yazıçı və ədəbiyyatçısı nominasiyası üzrə Çingiz Aytmatov (Qırğızıstan) və Muxtar Şaxanov (Qazaxıstan) da yüksək ada layiq görülmüşlər.
Mükafatlar mayın 25-də Türk Standartları İnstitutunda təşkil olunacaq mərasimdə təqdim ediləcəkdir.
Bölmənin digər xəbərləri
