XARİCİ İŞLƏR NAZİRLİYİNDƏ GÖRÜŞ
Xarici İşlər Nazirliyinin mətbuat mərkəzindən AZƏRTAC-a bildirmişlər ki, səfir etimadnaməsinin surətini nazirə təqdim etmiş və ölkələrimiz arasında əlaqələrin inkişaf etdirilməsi üçün səylə çalışacağını vurğulamışdır.
Nazir Elmar Məmmədyarov səfiri yeni təyinatı münasibətilə təbrik etmiş və ona fəaliyyətində müvəffəqiyyətlər arzulamışdır. Azərbaycan ilə Ukrayna arasında münasibətlərin ənənəvi dostluq xarakteri daşıdığını vurğulayan nazir, ölkələrimiz arasında münasibətlərin hərtərəfli inkişafına Azərbaycanın böyük əhəmiyyət verdiyini bildirmiş, bunun üçün geniş imkanların mövcud olduğunu qeyd etmişdir.
Nazir səfirə Ermənistan-Azərbaycan, Dağlıq Qarabağ münaqişəsinin həlli ilə bağlı aparılan danışıqlar barədə məlumat vermişdir.
Səfir S.Volkoveski ölkəsində baş verən proseslər barədə naziri məlumatlandırmış, Ukrayna Prezidentinin Azərbaycana nəzərdə tutulan səfərinə hazırlıq işlərinin gedişi ilə maraqlanmışdır.
Görüşdə enerji daşıyıcılarının tranzit nəqli ilə bağlı fikir mübadiləsi aparılmış, qarşılıqlı maraq doğuran digər məsələlər də müzakirə edilmişdir.
Bölmənin digər xəbərləri
