XARİCİ İŞLƏR NAZİRLİYİNDƏ GÖRÜŞ
E.Məmmədyarov koreyalı qonağı yeni təyinatı münasibətilə təbrik etmiş, yaxın zamanlarda Azərbaycanın Koreya Respublikasında səfirliyinin açılacağını diqqətə çatdırmışdır. O, ölkələrimiz arasında münasibətlərin daha da inkişaf etdirilməsi üçün birgə biznes forumların keçirilməsinə, hökümətlərarası iqtisadi komissiyanın yaradılmasına ehtiyac duyulduğunu söyləmişdir.
Görüşdə tərəflər Koreya Respublikasının Prezidenti Roh Mu Hyunun Azərbaycana qarşıdakı rəsmi səfəri ilə bağlı təşkilati məsələlərə və imzalanacaq ikitərəflı sənədlərə dair geniş fikir mübadiləsi aparmışlar. E.Məmmədyarov bu səfərin uğurla keçəcəyinə, həmçinin ölkələrimiz arasında münasibətlərin inkişafına xidmət edəcəyinə əmin olduğunu vurğulamışdır.
Koreyalı iş adamlarının Azərbaycana böyuk maraq göstərdiyini diqqətə çatdıran Lyu Kvanq Çul ölkəsinin iş adamlarının neft, telekommunikasiya, nəqliyyat, qızıl yataqlarının işlənilməsi və digər sahələrdə Azərbaycan ilə əməkdaşlığa xüsusi önəm verdiklərini bildirmişdir. O, Azərbaycan-Koreya Mədəniyyət Assosiasiyasanın (SEBA) bu il Koreyada keçirəcəyi Azərbaycan mədəniyyəti günlərinin xalqlarımız arasında mədəni əlaqələrin möhkəmlənməsinə töhfə verəcəyinə əminliyini bildirmişdir.
Görüşdə qarşılıqlı maraq doğuran bir sıra digər məsələlər ətrafında da fikir mübadıləsi aparılmışdır.
Bölmənin digər xəbərləri
