XƏZƏR NEFTİNİN QAFQAZ İSTİQAMƏTİNDƏ NƏQLİ REGİONDA SABİTLİK ÜÇÜN ƏLAVƏ AMİL OLA BİLƏR
AZƏRTAC-ın xüsusi müxbiri xəbər verir ki, “KazMunayQaz” Milli Şirkətinin prezidenti Kairgeldi Kabıldin Astanada keçirdiyi mətbuat konfransında Qazaxıstan neftinin Azərbaycan və Gürcüstan ərazisindən daşınması ilə bağlı sualın cavabında demişdir: “Mən belə hesab edirəm ki, beynəlxalq və Qazaxıstan şirkətlərinə məxsus neftin Xəzər və Qara dəniz istiqamətində - yəni Azərbaycan və Gürcüstan ərazisi ilə nəqlinin artırılması regionda sülhün və sabitliyin yaranması üçün əlavə amil ola bilər”.
O əlavə etmişdir ki, beynəlxalq şirkətlərin bu marşrutlara marağı regionda sabitlik və təhlükəsizlik üçün vacib olan saziş və razılaşmaların daha tez əldə olunmasına imkan verər.
Bölmənin digər xəbərləri
