Xidmət sahəsində fəaliyyət göstərən xanımların AQSİA-ya cəlb edilməsi müzakirə olunub
Bakı, 26 fevral, AZƏRTAC
Azərbaycanda Qadın Sahibkarlığının İnkişafı Assosiasiyasının (AQSİA) idarə heyətinin görüşü keçirilib.
Assosiasiyadan AZƏRTAC-a bildirilib ki, görüşdə AQSİA-nın 2019-cu ilin birinci rübü üçün komissiyalar tərəfindən hazırlanan icra planları idarə heyətinə təqdim edilib. İdarə heyətinin sədri Səkinə Babayeva, idarə heyətinin üzvü Jalə Hacıyeva tərəfindən icra planlarına ediləcək dəyişiklər bildirilib. Komissiyaların birgə fəaliyyəti, eyni zamanda, xidmət sahəsində fəaliyyət göstərən xanımların AQSİA-ya cəlb olunması məsələləri müzakirə edilib.
Bölmənin digər xəbərləri
