Xocalı faciəsi tarixə dəhşətli cinayət kimi həkk olunub
Bakı, 26 fevral, AZƏRTAC
Azərbaycan Milli Elmlər Akademiyasının Botanika İnstitutunda Xocalı faciəsinin iyirmi dördüncü ildönümnə həsr olunan tədbir keçirilib.
İnstitutdan AZƏRTAC-a bildiriblər ki, əvvəlcə faciə qurbanlarının xatirəsi bir dəqiqəlik sükutla yad edilib.
Tədbirdə institut direktorunun müavini Eldar Novruzov 1992-ci il fevralın 25-dən 26-na keçən gecə Xocalıda baş verən hadisələrdən söz açıb. Qeyd edilib ki, həmin gecə törədilən kütləvi qırğın Azərbaycanın ərazi bütövlüyünə qarşı yönələn terror siyasətinin tərkib hissəsidir. E.Novruzov 366-cı motoatıcı rus alayının iştirakı və dəstəyi ilə günahsız insanların ağlasığmaz qəddarlıqla qətlə yetirildiklərini, yüzlərlə insanın əsir və itkin düşdüyünü, şəhərin yerlə-yeksan edildiyini söyləyib.
Çıxış edənlər Xocalı soyqırımı ilə bağlı fikirlərini bölüşüb, faciəni bəşəriyyətə qarşı törədilən ən ağır cinayət adlandırıblar.
Tədbirdə qanlı hadisələri əks etdirən videoçarx göstərilib.
Bölmənin digər xəbərləri
