XOCALI FACİƏSİNİN İLDÖNÜMÜ İSPANİYANIN MALİNOS ŞƏHƏRİNDƏ QEYD EDİLMİŞDİR
Əmək və Əhalinin Sosial Müdafiəsi Nazirliyinin Baş Məşğulluq İdarəsi və Daşkəsən Rayon İcra Hakimiyyəti Avropa Şurasının “Dağlar 2002” layihəsi çərçivəsində “Azərbaycanın dağ rayonlarında yoxsulluğun azaldılması strategiyası” layihəsini hazırlayır. Bu sənəd yoxsulluğun azaldılması tədbirləri ilə yanaşı, yerlərdə işləmək üçün kadrlar hazırlanmasını da nəzərdə tutur.
Baş Məşğulluq İdarəsindən AZƏRTAC-a bildirmişlər ki, hazırda İspaniyanın Malinos şəhərində ixtisasartırma kursları keçən mütəxəssislərimiz Günay Quliyeva və Vüqar Məmmədov fevralın 26-da - Xocalı faciəsinin ildönümü günü şəhər ictimaiyyətinin mitinqini təşkil etmiş və burada ermənilərin xalqımızın başına gətirdikləri müsibətlərdən danışmışlar.
Şəhərin meri Mateo Andreas Xuese tədbirdə çıxış edərək, Xocalı faciəsi ilə əlaqədar şəhər ictimaiyyəti adından və şəxsən öz adından Azərbaycan xalqına başsağlığı vermişdir.
Bölmənin digər xəbərləri
