Xocalı qətliamı XX əsrin ən qəddar cinayət hadisəsidir
Bakı, 26 fevral, AZƏRTAC
Azərbaycan Milli Elmlər Akademiyasının (AMEA) Arxeologiya və Etnoqrafiya İnstitutunda Xocalı soyqırımının 24-cü ildönümünə həsr olunmuş tədbir keçirilib.
İnstitutdan AZƏRTAC-a bildiriblər ki, tədbirdə bu elm müəssisəsinin direktoru, professor Maisə Rəhimova Xocalı faciəsi haqqında ətraflı məlumat verib. Bu dəhşətli faciənin Azərbaycan tarixində ən qanlı hadisələrdən biri olduğunu söyləyən M.Rəhimova xalqımıza qarşı törədilən bu cinayətin ağır nəticələrindən danışıb.
Bildirilib ki, ümummilli lider Heydər Əliyev Azərbaycanda siyasi hakimiyyətə qayıdandan sonra onun təşəbbüsü ilə Xocalı soyqırımına siyasi-hüquqi qiymət verilib. Prezident İlham Əliyev dövlətimiz və millətimiz üçün vacib olan bu işi əzmlə davam etdirir. Heydər Əliyev Fondunun vitse-prezidenti Leyla Əliyevanın təşəbbüsü ilə başlanan “ Xocalıya ədalət! ” beynəlxalq kampaniyası Xocalı soyqırımının tanıdılması istiqamətində çox böyük uğurlar qazanıb. Artıq dünyanın əksər ölkələrində Xocalı faciəsi qurbanlarının xatirəsi anılır, həmçinin bir sıra ölkələrin ali və yerli qanunverici orqanları Xocalıda törədilən qətliama siyasi qiymət verib.
Digər çıxış edənlər də Xocalı qətliamını XX əsrdə törədilmiş ən qanlı və qəddar soyqırımı aktı, bəşəriyyətə qarşı ən ağır cinayət kimi dəyərləndiriblər.
Bölmənin digər xəbərləri
