XOCALI SOYQIRIMINI TÖRƏDƏNLƏR CƏZALARINI ALMALIDIR
Qanlı Xocalı qırğınında ailəsinin 5 üzvünü itirmiş Məhəmməd Abbasovla Qax rayonundakı Tasmalı kənd orta məktəbində görüş keçirilmişdir. Görüşdə rayon icra hakimiyyətinin, YAP rayon təşkilatının rəhbərləri, müxtəlif xalqların nümayəndələri iştirak etmişlər. Xocalı sakini o qanlı qırğın gecəsi ilə bağlı müdhiş xatirələrini, kədərli təəssüratlarını danışmışdır.
İcra hakimiyyətindən AZƏRTAC-ın bölgə müxbirinə məlumat vermişlər ki, Qax rayonunda yaşayan müxtəlif xalqların, etnik qrupların nümayəndələrinin imzası ilə beynəlxalq təşkilatlara göndərilmiş müraciətdə 11 il əvvəl Ermənistan Silahlı birləşmələrinin əvvəlcədən işlənib hazırlanmış ssenari üzrə törətdikləri Xocalı soyqırımına bu vaxtadək heç bir hüquqi-siyasi qiymət verilməməsinə etiraz bildirilir, bəşər sivilizasiyasına ləkə olan bu vəhşiliyi törədənlərin ədalət mühakiməsinə verilməsi tələb olunur.
Bölmənin digər xəbərləri
