Xocalı Soyqırımının qurbanları İslandiyada anılıb
Bakı, 25 fevral (AZƏRTAC). İslandiyanın Akureyri şəhərində və ətraf rayonlarda yaşayan həmyerlilərimiz, eləcə də digər millətlərin nümayəndələrin iştirakı ilə Xocalı Soyqırımının 21-ci ildönümünə həsr olunmuş anma mərasimi keçirilmişdir. Tədbir Xocalı şəhidlərinin ruhunun bir dəqiqəlik sükutla anılması ilə başlamışdır.
Tədbirin təşkilatçısı “Azəri” cəmiyyətinin sədri Zakir Con Həsənov iştirakçılara o dəhşətli gecədə - 1992-ci il fevralın 25-dən 26-na keçən gecə Azərbaycan xalqının yaşadığı acılar haqqında məlumat vermişdir. Bildirilmişdir ki, erməni silahlı qüvvələrinin törətdiyi vəhşiliklər, bir gecədə bütün şəhərin yer üzündən silinməsi, 600-dən çox insanın qəddarlıqla qətlə yetirilməsi azərbaycanlıların yaddaşından heç bir vaxt silinməyəcəkdir.
İştirakçılara soyqırımın dəhşətlərini əyani şəkildə göstərmək üçün videoçarx nümayiş etdirilmişdir.
Xocalını anma mərasiminə islandlarla yanaşı, bu ölkədə yaşayan polyak, fin, tailand, rus, belorus, portuqal, latış xalqlarının nümayəndələri də qatılmışdır
Bölmənin digər xəbərləri
