Xüsusi təhsil müəssisələrinə defektoloq vəzifəsi üzrə vakansiya seçimi bu gün yekunlaşır
Bakı, 21 oktyabr, AZƏRTAC
Oktyabrın 21-də xüsusi təhsil müəssisələrinə defektoloq vəzifəsi üzrə işə qəbul üçün vakansiya seçimi yekunlaşır.
Təhsil Nazirliyindən AZƏRTAC-a bildirilib ki, vakansiya seçimi bu gün saat 18:00-dək davam edəcək. Seçim zamanı müvafiq ixtisas üzrə baza təhsili, iş stajı və müraciət etdiyi vakansiya üzrə faktiki yaşayış yeri uyğun olan namizədlərə üstünlük veriləcək. Namizədlər nazirliyin saytında yerləşdirilmiş linkə daxil olaraq müvafiq xanaları doldurduqdan sonra 1 vakant yer seçimi edə bilərlər. Növbəti mərhələdə uyğun hesab edilən namizədlər üçün müsahibə mərhələsi təşkil olunacaq.
Təhsil müəssisələri üzrə mövcud vakansiyalar barədə məlumat Təhsil Nazirliyinin saytında yerləşdirilib.
Bölmənin digər xəbərləri
