XX ƏSRİN ƏVVƏLİNDƏN BƏRİ CƏNUBİ ASİYADA SAYSIZ-HESABSIZ ZƏLZƏLƏLƏR BAŞ VERMİŞDİR

08.10.2005 [17:39]
Çap et
A⁺ A^-

AZƏRTAC-ın xəbər verdiyi kimi, oktyabrın 8-də səhər Pakistan, Hindistan və Əfqanıstanda güclü zəlzələ olmuşdur. ABŞ seysmoloqlarının araşdırmalarına görə, yeraltı təkanların gücü Rixter cədvəli ilə 7,6 bala çatmışdır. Təkanlar bütün Tacikistan ərazisində də hiss edilmişdir.

Xatırladaq ki, XX əsrin əvvəlindən bəri Cənubi Asiyada saysız-hesabsız zəlzələlər baş vermiş və onlar böyük tələfata və dağıntılara səbəb olmuşdur. İTAR-TASS-ın məlumatına görə, bu regionda olmuş ən böyük zəlzələlər aşağıdakılardır:

4 aprel 1905-ci il - Hindistan, Lahor əyaləti, 19 min adam həlak olmuşdur.

30-31 may 1935-ci il - Kvetta (hazırda Pakistan ərazisindədir), 30 min adam həlak olmuşdur.

15 avqust 1950-ci il - Əssam ştatı (Hindistan), 1,5 min adam həlak olmuşdur. Bu, dünyada qeydə alınmış ən güclü zəlzələdir - 9 bal.

28 dekabr 1974-cü il - Qaraqorum dağlarında (Pakistan) 5,2 min adam həlak olmuşdur.

21 avqust 1988-ci il - Nepal və Şimali Hindistan, 1,5 minədək adam həlak olmuşdur.

Fevral 1991-ci il - Pakistan, Əfqanıstan, Pakistanda 200 və Əfqanıstanda 1000 adam həlak olmuşdur.

Oktyabr 1991-ci il - Uttarkaşi (Hindistan), 1,6 min adam həlak olmuşdur.

Sentyabr 1993-cü il - Latura (Qərbi Hindistan, Maharaştra ştatı), 35 min adam həlak olmuşdur.

May 1994-cü il - Bağlan əyaləti (Əfqanıstan), 167 adam həlak olmuşdur.

28 fevral 1997-ci il - Bəlucistan (Pakistan), 150 adam həlak olmuşdur.

7 fevral 1998-ci il - Əfqanıstanın şimal bölgələri, 4,5 mindən çox adam həlak olmuşdur.

30 may 1998-ci il - Əfqanıstanın şimal bölgələri, 5 mindən çox adam həlak olmuşdur.

26 yanvar 2001-ci il - Qucarat ştatı, Hindistan, zəlzələ Pakistan və Nepalı da əhatə etmişdir, müxtəlif məlumatlara görə, 30 mindən 100 minədək adam həlak olmuş, 200 min insan xəsarət almışdır.

25 mart 2002-ci il - Bağlan əyaləti, Əfqanıstan, 3 minədək adam həlak olmuş, 4 min insan yaralanmışdır.