Yalçın Rəfiyev: COP29 iqlim dəyişikliyi problemində praktiki həllər tapmağa imkan yaradır
Bakı, 10 oktyabr, AZƏRTAC
“COP29 iqlim dəyişmələri problemində praktiki həllər tapmağa imkan yaradır. Düşünürəm ki, COP29 bu istiqamətdə həlledici rol oynayacaq”.
AZƏRTAC xəbər verir ki, bunu PRE-COP29 konfransı çərçivəsində COP28, COP29 və COP30 sədrliklərinin birgə təşkilatçılığı ilə keçirilən Troyka ölkələrinin "1,5 dərəcə Selsi missiyası üçün Yol xəritəsi" mövzusunda yan tədbirdə COP29-un baş danışıqçısı, Azərbaycanın xarici işlər nazirinin müavini Yalçın Rəfiyev deyib.
O qeyd edib ki, COP29-da əsas diqqət iqlim dəyişikliyi üçün mübarizə metodları tapmağa yönələcək: “Biz təcrübələrlə yanaşı, eyni zamanda, geniş tərəfdaşlıqlar qurub, mövcud tərəfdaşlıqları inkişaf etdirəcəyik. Dayanıqlı gələcək qurmaq, 1,5 planına sadiq qalmaq bizim əsas hədəfimizdir”.
Bölmənin digər xəbərləri
