YANĞINDAN ZƏRƏR ÇƏKMİŞ MƏKTƏB BİNASI TƏMİR OLUNMUŞDUR
AZƏRTAC xəbər verir ki, 9 ay əvvəl elektrik xətlərində yaranmış qısaqapanma nəticəsində baş vermiş yanğından yararsız vəziyyətə düşmüş Xaçmaz rayonunun Ağyazı Buduq kənd orta məktəbində aparılan yenidənqurma-bərpa işləri tamamlanmaq üzrədir.
Rayon icra hakimiyyətinin vəsaiti hesabına aparılan təmirə kənd bələdiyyəsi və yerli əhali də yardım göstərmişdir. Məktəbin yanğından zərər görməyən sinif otaqları da təmir olunmuşdur.
