YAP LƏNKƏRAN TƏŞKİLATININ KONFRANSI OLMUŞDUR
Şəhərin mərkəzi meydanında ümummilli liderimiz Heydər Əliyevin xatirə guşəsi önünə gül dəstələri qoyulmuş, ulu öndərin əziz xatirəsi ehtiramla yad olunmuşdur.
YAP Lənkəran şəhər təşkilatının IV konfransından ötən müddətdə gördüyü işlər barədə təşkilatın sədr əvəzi İlqar Dadaşovun və Nibuvət Allahverdiyevin hesabat məruzəsi dinlənilmişdir.
Məruzəçi və çıxış edənlər partiyanın yaradıcısı, ümummilli liderimiz Heydər Əliyevin ölkəmiz və xalqımız qarşısında misilsiz xidmətlərindən, bütün sahələrdə qazanılan nailiyyətlərdə dahi şəxsiyyətin əvəzolunmaz əməyindən, böyük öndərin siyasi xəttinin davamçısı, YAP sədrinin birinci müavini, Prezident İlham Əliyevin əhalinin rifah halının yaxşılaşmasına və respublikamızın qüdrətli ölkəyə çevrilməsinə yönələn fəaliyyətindən söhbət açmışlar.
YAP sədrinin müavini, Milli Məclisin deputatı Əli Nağıyev, Lənkəran Şəhər İcra Hakimiyyətinin başçısı Zeynal Nağdəliyev, deputatlardan Hadi Rəcəbli, Ağakərim Şərifov, Mirkazım Kazımov, YAP mərkəzi aparatının məsul işçisi Mirkamal Seyidov konfransda iştirak etmişlər.
İlqar Dadaşov şəhər təşkilatının sədri seçilmişdir.
Yeni Azərbaycan Partiyası sədrinin birinci müavini, Prezident İlham Əliyevə müraciət qəbul olunmuşdur.
Bölmənin digər xəbərləri
