YAP Mingəçevir şəhər təşkilatının üzvləri Vətən müharibəsi şəhidlərinin ildönümü mərasimində iştirak ediblər
Bakı, 4 oktyabr, AZƏRTAC
Yeni Azərbaycan Partiyası Mingəçevir şəhər təşkilatının nümayəndələri Vətən müharibəsində şəhid olan Həmidov Pərvin Azər oğlu və Hacıyev Nicat Cahangir oğlunun ildönümü mərasimində iştirak ediblər.
Yeni Azərbaycan Partiyasından AZƏRTAC-a bildiriblər ki, təşkilatın üzvləri şəhidlərin ailə üzvlərinə başsağlığı verib, belə qəhrəman oğullar böyütdükləri üçün təşəkkür ediblər.
Eyni zamanda, YAP Mingəçevir şəhər təşkilatı və Mingəçevir ŞİH tərəfindən mingəçevirli şəhidlərin adlarının əbədiləşdirilməsi məqsədilə çap etdirdikləri plakatlar şəhidlərin ailələrinə təqdim olunub.
Bölmənin digər xəbərləri
