YAP YASAMAL RAYON TƏŞKİLATININ V KONFRANSI

21.10.2004 [13:12]
Çap et
A⁺ A^-

AZƏRTAC xəbər verir ki, Yeni Azərbaycan Partiyası Yasamal rayon təşkilatının V konfransı keçirilmişdir.

Partiyanın yaradıcısı, ümummilli liderimiz Heydər Əliyevin əziz xatirəsi bir dəqiqəlik sükutla yad olunmuşdur.

Rayon təşkilatının sədri Fikrət İsmayılovun məruzəsi və nəzarət-təftiş komissiyasının hesabatı dinlənilmişdir.

Məruzəçi və çıxış edənlər Azərbaycanın dövlət müstəqilliyinin möhkəmləndirilməsində partiyanın rolundan, rayon təşkilatının fəaliyyətindən və qarşıda duran vəzifələrdən danışmışlar. Partiyanın II qurultayının qarşıya qoyduğu vəzifələrin rayon təşkilatı tərəfindən lazımınca yerinə yetirilməsi vurğulanmışdır.

Fikrət İsmayılov yenidən rayon təşkilatının sədri seçilmişdir.

Konfrans iştirakçıları adından Azərbaycan Prezidenti, partiya sədrinin birinci müavini İlham Əliyevə müraciət qəbul edilmişdir.