Yaqut Qarayeva: Hazırda xəstəxanadaxili infeksiyalar bütün dünyada aktual problemdir VİDEO
Bakı, 23 aprel, AZƏRTAC
Hazırda xəstəxanadaxili infeksiyalar bütün dünyada səhiyyə xərclərini artıran, xəstələrin xəstəxanada yatış günlərini uzadan böyük problemdir.
AZƏRTAC xəbər verir ki, bu sözləri Tibbi Ərazi Bölmələrini İdarəetmə Birliyinin (TƏBİB) Tibbi xidmətlərin inkişaf departamentinin rəhbəri Yaqut Qarayeva "Xəstəxanadaxili infeksiyaların idarə olunmasında müasir tendensiyalar və innovativ yanaşmalar" mövzusunda ekspertlərin zirvə görüşündə jurnalistlərə açıqlaması zamanı söyləyib.
O qeyd edib ki, bu mövzunun müzakirə edilməsi səhiyyə gündəmi üçün olduqca önəmlidir: “TƏBİB-in xəstəxanadaxili infeksiyaların yayılmasına qarşı gördüyü tədbirlərdən biri də xəstəxanalarda infeksiona nəzarət komitələrinin yaradılmasıdır. Xəstəxanalarda istifadə olunan tibbi ləvazimatların düzgün dezinfeksiyası, sterilizasiyasının təşkil olunması önəmli faktordur. Ümid edirəm ki, burada müzakirə olunan məsələlər praktikada da tətbiq ediləcək”.
Bölmənin digər xəbərləri
