Yardımlıda “Xəmsə” Milli İntellektual Oyununun zona seçim turu keçirilmişdir
Yardımlı, 19 noyabr (AZƏRTAC). Yardımlı şəhərində “Xəmsə” Milli İntellektual Oyununun zona seçim turu keçirilmişdir.
AZƏRTAC xəbər verir ki, 14-17 yaşlı yeniyetmələr arasında keçirilən və iki gün davam edən zona yarışlarında cənub bölgəsinin 6 rayonunun 8 komandası iştirak etmişdir.
Bilik yarışmasında daha inamlı oyun nümayiş etdirən Lənkəran rayonunun “Antitərs” komandası birinci, Masallı rayonunun “Legion” komandası ikinci, Astara rayonunun “Bir istiqamət” komandası üçüncü yerləri tutaraq “Xəmsə” Milli İntellektual Oyununun dekabr ayında Naxçıvan şəhərində keçiriləcək final mərhələsində iştirak etmək hüququ qazanmışlar.
Qaliblərə diplomlar və mükafatlar təqdim olunmuşdur.
Bölmənin digər xəbərləri
