Yarım ildə 393,8 min hektarda yazlıq bitkilər əkilib
Bakı, 16 iyul, AZƏRTAC
Kənd təsərrüfatında yaz tarla işləri başa çatıb.
Dövlət Statistika Komitəsindən AZƏRTAC-a bildirilib ki, bu il iyulun 1-nə kimi 393,8 min hektar sahədə yazlıq bitkilər, o cümlədən 61,9 min hektar sahədə dənlilər və dənli paxlalı bitkilər (ondan 34,6 min hektarı dən üçün qarğıdalı) əkilib.
Bu dövr ərzində, həmçinin 57 min hektar sahədə kartof, 66,5 min hektar sahədə tərəvəz, 20 min hektar sahədə bostan bitkiləri, 100,3 min hektar sahədə pambıq, 11,4 min hektar sahədə dən üçün günəbaxan, 5 min hektar sahədə şəkər çuğunduru, 3,1 min hektar sahədə tütün, 65,2 min hektar sahədə çoxillik otlar, 1,1 min hektar sahədə birillik otlar və 2,3 min hektar sahədə digər bitkilər əkilib.
Bölmənin digər xəbərləri
