Yasamalda Kənar Dairəvi yolda qəza baş verib
Bakı, 16 oktyabr, AZƏRTAC
Bu gün səhər saatlarında Yasamal rayonu, Kənar Dairəvi yolda geriyə hərəkət edən avtomobilin sürücüsü yol-nəqliyyat hadisəsinə səbəb olub.
Daxili İşlər Nazirliyi (DİN) Nəqliyyatı İntellektual İdarəetmə Mərkəzindən AZƏRTAC-a bildirilib ki, qəza səbəbindən Bakı-Sumqayıt şosesi istiqamətində sıxlıq yaransa da, polis əməkdaşları tərəfindən nəqliyyatın sərbəst hərəkətinin təmin edilməsi üçün işlər görülüb.
Müşahidələr göstərir ki, bu kimi hadisələr nəqliyyat vasitələrinin intensiv hərəkət etdiyi Zığ dairəsi-Hava Limanı yolunda, Heydər Əliyev və Ziya Bünyadov prospektlərində də baş verib.
Nəqliyyatı İntellektual İdarəetmə Mərkəzi sürücülərin nəzərinə çatdırır ki, “Yol hərəkəti haqqında” Qanunun 43-cü maddəsinə əsasən, avtomagistrallarda nəqliyyat vasitələrinin geriyə hərəkət etməsi qadağandır.
Bölmənin digər xəbərləri
