Yay aylarında İtaliyada 71 milyon 600 mindən çox turist gecələyib
Roma, 28 sentyabr, AZƏRTAC
Yay fəslində İtaliyada turistlərin sayı 6,22 faiz artıb.
AZƏRTAC xəbər verir ki, bu barədə İtaliyanın Daxili İşlər Nazirliyinin məlumatında deyilir.
Bildirilib ki, iyunun 21-dən sentyabrın 21-dək İtaliyadakı hotellərdə 71 milyon 600 mindən çox turist gecələyib. Bu göstərici ötən ilin müvafiq dövrü ilə müqayisədə 4 milyon 200 min nəfər çoxdur.
Eyni zamanda, ölkədə aqroturizm ziyarətçilərinin sayı da ilbəil artır. Cari il ərzində ölkə üzrə 26 mindən çox aqroturizm müəssisəsinin 5 milyon 100 min turist qəbul edəcəyi gözlənilir. Məlumata görə, son 10 il ərzində aqroturizm ziyarətçilərinin sayı 70 faiz artıb.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
