YAZ ƏKİNİ KAMPANİYASI MÜVƏFFƏQİYYƏTLƏ DAVAM EDİR
İsmayıllı rayonunun fermerləri və fərdi torpaq sahibləri yazlıq bitkilər əkinini uğurla davam etdirirlər. Rayon icra hakimiyyəti başçısının müavini Məhərrəm Əhmədov AZƏRTAC-ın müxbirinə demişdir ki, bu yaz bölgədə 2 min hektaradək sahədə əkin aparılması gözlənilir. Səpin kampaniyasına 300-dək texnika cəlb edilmişdir. Aprelin birinci ongünlüyündə yağmış güclü qar müəyyən çətinliklər yaratsa da, əkinçilər ruhdan düşməmişlər. Erkən əkilən bir sıra sahələrdə təkrar səpin keçirilmişdir. İndiyədək 1450 hektarda yazlıq bitkilər, o cümlədən yonca, noxud, günəbaxan, kartof, tərəvəz və sair əkilmişdir ki, bu da ötən ilin müvafiq dövründəkindən 918 hektar çoxdur. Rayonun Mican, İvanovka, Talıstan, Quşençə, Diyallı, Qoşakənd, Topçu kəndlərində yaz əkini daha mütəşəkkil aparılır.
Bölmənin digər xəbərləri
