YENİ AQROSERVİS YARADILMIŞDIR
Regionların sosial-iqtisadi inkişafına dair əlavə tədbirlər haqqında respublika Prezidentinin Sərəncamına uyğun olaraq, Aqrolizinq Açıq Səhmdar Cəmiyyəti respublikamızın 10 rayonunda, o cümlədən Gədəbəy rayonunda yeni aqroservis və təchizat bazası yaratmışdır. Texnikaya olan tələbatı ödəmək məqsədilə aqroservisə 1 kombayn, 5 traktor, 4 gövdəli kotan və 1 taxılsəpən aqreqat verilmişdir.
Rayon icra hakimiyyətindən AZƏRTAC-ın müxbirinə bildirmişlər ki, torpaq sahiblərinə kömək məqsədilə rayona 70 ton azot və superfosfat gübrəsi gətirilmişdir. Verilən gübrənin dəyərinin 10 faizinin əvvəlcə, qalan hissəsinin isə məhsul yığımından sonra ödənilməsi nəzərdə tutulmuşdur.
