Yeni Azərbaycan Partiyasının yaranmasının 21 illiyinə həsr edilmiş dama və şahmat turnirləri keçirilmişdir
Bakı, 19 noyabr (AZƏRTAC). Yeni Azərbaycan Partiyasının (YAP) Nərimanov Rayon Təşkilatı Nərimanov Rayon Gənclər və İdman İdarəsi ilə birlikdə YAP-ın yaranmasının 21 illiyinə həsr edilmiş dama və şahmat turnirləri keçirilmişdir.
AZƏRTAC xəbər verir ki, turnirin rəsmi açılış mərasimində YAP Nərimanov Rayon Təşkilatının sədri Təmraz Tağıyev, Nərimanov Rayon Gənclər və İdman İdarəsinin rəisi Nəcəf Novruzov çıxış edərək şahmatın inkişafında xüsusilə gənclər arasında keçirilən turnirlərin böyük rol oynadığını, Azərbaycan Respublika Prezidenti İlham Əliyevin müvafiq Sərəncamı ilə təsdiq olunmuş “2009-2014-cü illərdə Azərbaycanda şahmatın inkişaf etdirilməsi Dövlət Proqramı”nın bu tipli tədbirlərin keçirilməsi ilə yüksək səviyyədə icra olunduğunu bildirmiş, iştirakçılara müvəffəqiyyətlər arzulamışlar.
Qaliblər təşkilatçılar tərəfindən müvafiq dərəcəli diplomlar, medallar, kuboklar və hədiyyələrlə təltif edilmişlər.
Bölmənin digər xəbərləri
