YENİ RABİTƏ OBYEKTLƏRİ İSTİFADƏYƏ VERİLMİŞDİR
Nazirliyin mətbuat xidmətindən AZƏRTAC-a bildirmişlər ki, əhaliyə göstərilən rabitə xidmətlərinin keyfiyyətini yaxşılaşdırmaq məqsədi ilə respublika üzrə lokal telefon şəbəkəsinin və mobil şəbəkənin birgə tutumu 2 milyon nömrəyə çatdırılmış, 10 rayonda “Azərcell” BM-in əlavə ötürücüləri quraşdırılmışdır. Bundan əlavə, Bakının taksofon parkında 100 ədəd yeni aparat quraşdırılmış, Naxçıvan Muxtar Respublikasında kiçik tutumlu beynəlxalq stansiya tikilmişdir.
Dövlət televiziyasının AzTV-1 proqramının yayım keyfiyyətinin yüksəldilməsi üçün respublikanın müxtəlif bölgələrində 20 ədəd azgüclü televiziya vericisi və respublika radiosunun FM diapazonunda yayım əhatəsinin genişləndirilməsi məqsədi ilə 3 ədəd FM vericisi alınıb quraşdırılmışdır. Dövlət Televiziya və Radio Verilişləri Şirkəti ilə Teleqüllə arasında televiziya və radio proqramlarının optik kabellə ötürülməsinə keçilmiş, AzTV-1 proqramının peyk vasitəsilə yayım əhatəsinin genişləndirilməsi üçün digər peyklərdən Avropaya yayımı təşkil edilmişdir.
Bölmənin digər xəbərləri
