Yeni şeirlər toplusu: “Nə o – yelkən, nə bu – gəmi”
Bakı, 23 aprel, AZƏRTAC
Qarabağ yadelli əlində olanda “Bu qurban vətənin Qardaşxan adda bir qurbanlığı da var ehtiyatda” deyən tanınmış şair Qardaşxan Haqqararın (Əzizxanlı) “Elm və təhsil” nəşriyyatında çap olunan yeni kitabı “Nə o - yelkən, nə bu - gəmi” adlanır.
AZƏRTAC xəbər verir ki, “Dualar”, “İmza yerinə rəmzi qılınc”, “Nə o - yelkən, nə bu - gəmi” və “Qafiyəsiz poeziya” bölmələrindən ibarət olan kitabın əvvəlində müəllif “Göy şeiridi mənim şerim göydə işarələr olmur” deyərək burada durğu işarələrindən istifadə etmədiyinə haqq qazandırmaq istəyir.
İlk bölməni təşkil edən şeirlərdə “haqq-nahaq dünyada haqqa var olan”, “düzü seçən kəslərə özü yar olan”, yanlışları naxışlayan Qüdrət Sahibi tərənnüm olunur. Şair bu fikirdədir ki, o, ölməyəcək, ömrünü şeirə bağışlayacaq. Söz əlində həlak olan canı şeirlə Ona - Yaradana ucalacaq. O, ilahi söz arzusu illə və onun şeir şərikini dünyaya verməməsi üçün dua edir.
“Qafiyəsiz poeziya” adlı son bölmə “Qış günü açıldı yaz səhərinə” deyə bütövlükdə bu nəfis nəşrdəki şeirlərin azadlıq ruhunun ifadəsinə yönəlib.
Bölmənin digər xəbərləri
