Yeni Zelandiyada koronavirusa yoluxan sonuncu xəstə də sağalıb
Tokio, 8 iyun, AZƏRTAC
Yeni Zelandiya Səhiyyə Nazirliyi bəyan edib ki, ölkə ərazisində koronavirusa yoluxan son xəstə tamamilə sağalıb.
AZƏRTAC Yeni Zelandiya Səhiyyə Nazirliyinə istinadla xəbər verir ki, son iki həftə ərzində ölkədə koronavirusa yoluxan qeydə alınmayıb.
Nazirliyin iyunun 8-də yaydığı məlumata görə, Oklendə həkimlərin nəzarəti altında olan koronavirusa yoluxmuş sonuncu xəstə tamamilə sağalmış elan edilib. Yeni Zelandiyanın baş sanitar həkimi bildirib ki, fevralın 28-də ilk dəfə yoluxma halının qeydə alınmasından sonra ölkə ərazisində həmin diaqnozun təsdiq olunduğu insan qalmayıb.
Qeyd edək ki, Yeni Zelandiyada ümumilikdə 1504 nəfər koronavirusa yoluxub. Onlardan 1402 nəfər sağalıb, 22 nəfər isə həyatını itirib. Sonuncu yoluxma halı mayın 22-də qeydə alınıb. Ölkə üzrə 295 min nəfər koronavirus testindən keçirilib.
Yeni Zelandiyada epidemioloji vəziyyət sabitləşdikdən sonra hakimiyyət orqanları əksər məhdudiyyətləri ləğv edib.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
