Yeniyetmə cüdoçular arasında Sumqayıt şəhər birinciliyi keçiriləcək
Bakı, 15 aprel, AZƏRTAC
Sumqayıt Şəhər Gənclər və İdman Baş İdarəsinin və Azərbaycan Cüdo Federasiyasının təşkilatçılığı (ACF) ilə 15 yaşadək (U-15) yeniyetmələr arasında cüdo üzrə Sumqayıt şəhər birinciliyi keçiriləcək.
Azərbaycan Cüdo Federasiyasından AZƏRTAC-a bildiriblər ki, yarış Sumqayıt Olimpiya İdman Kompleksində aprelin 16-17-də təşkil ediləcək. “Şuşa İli”nə həsr olunacaq turnirdə 300-dən çox idmançı 20 çəki dərəcəsi üzrə mübarizə aparacaq.
Yarışın təşkilində əsas məqsədlərindən biri ölkəmizin bütün regionlarında cüdo idman növünü daha da populyarlaşdırmaq və kütləviləşdirməklə yeni istedadları üzə çıxarmaq, həmçinin yeniyetmələr və gənclər arasında idman vasitəsi ilə sağlam həyat tərzini təbliğ etməkdir.
Bölmənin digər xəbərləri
